या प्रकरणी अखिल भारतीय सफाई मजदूर युनियन (शाखा पुसद) तसेच नगर परिषद कर्मचारी व अधिकाऱ्यांनी एकत्र येत मुख्याधिकाऱ्यांकडे निवेदन सादर करून संबंधित व्यक्तीवर तात्काळ व कठोर कारवाईची मागणी केली आहे.
निवेदनानुसार, दिनांक १ एप्रिल २०२६ रोजी स्वच्छता व पाणीपुरवठा अभियंता माधवराव पाटील तसेच आरोग्य निरीक्षक कैलास कलोसे यांना दूरध्वनीद्वारे अपमानास्पद भाषा वापरत शिवीगाळ करण्यात आली. विशेष म्हणजे संबंधित व्यक्ती ही अधिकृत पदावर नसून नगरसेविकेचे पती असल्याने असे वर्तन असंवैधानिक व शासकीय शिस्तभंग करणारे असल्याचे स्पष्ट करण्यात आले आहे.
या घटनेमुळे नगर परिषद कर्मचाऱ्यांमध्ये भीती व नाराजीचे वातावरण निर्माण झाले असून, प्रशासनाने तातडीने हस्तक्षेप करून न्याय द्यावा, अशी जोरदार मागणी कर्मचाऱ्यांनी केली आहे.
निवेदनावर युनियनचे अध्यक्ष विकी सोनवाल, उपाध्यक्ष सम्राट सापळे, सचिव जयंत उचित यांच्यासह रोहित पाशमवाड, संजय पवार, शुभम पवार, दर्शन टाक, विक्रम उंटवाल, नितीन डागर, अजय काळे, अभिजीत डांगोरिया, भारत डागर, अर्जुन उंटवाल, सिद्धार्थ दरकर, कपिल टाक, राज नकवाल आदींसह अनेक सफाई कर्मचाऱ्यांच्या स्वाक्षऱ्या आहेत.
दरम्यान, संबंधित व्यक्ती नगराध्यक्षांच्या पक्षाशी निगडित नगरसेवक कुटुंबाशी संबंधित असल्याने प्रशासन कोणती भूमिका घेणार, याकडे संपूर्ण शहराचे लक्ष लागले आहे.