विरंगुळा योगकेंद्रात भीम जयंती उत्साहात साजरी
पुसद, ता. १४ : येथील मोतीनगर परिसरातील विरंगुळा योगकेंद्रात महाराष्ट्र योग शिक्षक संघाच्या वतीने दि. १४ एप्रिल २०२६ रोजी भारतरत्न डॉ. बाबासाहेब आंबेडकर यांची १३५ वी जयंती मोठ्या उत्साहात साजरी करण्यात आली.
कार्यक्रमाची सुरुवात डॉ. आंबेडकर यांच्या प्रतिमेला माल्यार्पण करून करण्यात आली. त्यानंतर मान्यवरांच्या हस्ते दीपप्रज्वलन करण्यात आले. उपासिका सौ. संगीता ढगे यांनी स्वागतगीत सादर करून वातावरण भारावून टाकले.
यावेळी ज्येष्ठ संशोधक प्रा. गोविंदरावजी फुके यांनी डॉ. बाबासाहेब आंबेडकर यांच्या जीवनकार्यावर सखोल प्रकाश टाकत उपस्थितांना प्रेरित केले. योगाचार्य विलासजी पलीकोंडावार यांच्या वतीने प्रसादाचे वाटप करण्यात आले. कार्यक्रमाचे आभार प्रदर्शन प्रवीण मस्के यांनी केले.
या कार्यक्रमाला भास्करराव व्यवहारे, प्रकाश जयस्वाल, सतीश जयस्वाल, हरीश शेता, संतोष मस्के, कांचन देशमुख, शालिनी पैकीने, अनुपमा नालमवार, रूचिता पुरी, इंदोरिया यांच्यासह असंख्य योगसाधक मोठ्या संख्येने उपस्थित होते. प्रसाद वाटपानंतर कार्यक्रमाची सांगता करण्यात आली.