पुसद : दिनांक २५ मार्च २०२६ रोजी संत गाडगेबाबा अमरावती विद्यापीठ येथील स्व. डॉ. श्रीकांत जिचकार मेमोरियल रिसर्च सेंटरमध्ये आयोजित कार्यक्रमात पुसद येथील “माणुसकीची भिंत” या उपक्रमाचा विशेष सन्मान करण्यात आला. हा सन्मान श्री संत गाडगेबाबा अध्यासन केंद्र यांच्या वतीने प्रदान करण्यात आला.मागील दहा वर्षांपासून “माणुसकीची भिंत” हा उपक्रम संत गाडगेबाबांच्या दशसूत्री तत्त्वांवर आधारित समाजसेवा करत असून, गरजू नागरिकांना कपडे, अन्न व इतर आवश्यक वस्तू उपलब्ध करून देण्याचे कार्य सातत्याने करत आहे. या उल्लेखनीय कार्याची दखल घेत विद्यापीठ स्तरावर हा सन्मान देण्यात आला.या प्रसंगी उपक्रमाशी संबंधित कार्यकर्ते व दाते यांचे विशेष अभिनंदन करण्यात आले. “माणुसकीची भिंत” उपक्रमाच्या माध्यमातून समाजात सेवा, सहकार्य व माणुसकीचा संदेश पोहोचविण्याचे कार्य होत असल्याचे मान्यवरांनी नमूद केले.“माणुसकीची भिंत” या उपक्रमाशी जोडलेल्या सर्व दाते व स्वयंसेवकांचे मनःपूर्वक अभिनंदन करण्यात येत असून, त्यांच्या या निःस्वार्थ सेवेमुळे समाजात सकारात्मक बदल घडत असल्याची भावना व्यक्त करण्यात आली.
